പോലീസിലെ കായിക ചുമതലയില് നിന്ന് എ.ഡി.ജി.പി എം.ആര് അജിത് കുമാറിനെ മാറ്റി. ബോഡി ബില്ഡിങ് താരങ്ങളെ ഇന്സ്പെക്ടര് റാങ്കില് നിയമിക്കുന്നത് വിവാദമായ പശ്ചാത്തലത്തിലാണ് ചുമതലമാറ്റം. എം.ആര് അജിത് കുമാറിനാണ് പോലീസിലെ കായിക ചുമതലകളുണ്ടായിരുന്നത്. കായികമേഖലയിലെ റിക്രൂട്ട്മെന്റുകളടക്കം നോക്കിയിരുന്നത് അജിത് കുമാറായിരുന്നു. സാധാരണഗതിയില് ദേശീയഗെയിംസിലും കോമണ്വെല്ത്ത് ഗെയിംസിലും മറ്റും മെഡല് നേടുന്നവരെയാണ് സ്പോര്ട്സ് ക്വാട്ടയില് ഇന്സ്പെക്ടര് റാങ്കില് ഉള്പ്പെടുത്തിയിരുന്നത്.
